1

ໃນ​​​ວັນ​ທີ່ 14/06/2016 ຢູ່ທີ່ຫ້ອງ​ປະຊຸມ​ຂອງ​ພະ​ແນ​ກສະຫວັດ​ດີກາ​ນສັງຄົມ ແຂວງ ຫຼວງນ້ຳທາ ໄດ້ຈັດການ​ຝືກອົບຮົມ ກ່ຽວ​ກັບ​ວຽກ​ງານ​ຈັດ​ສັນທີ່​ດິນ ​ແລະ ການ​ຄຸ້ມ​ຄ​ອງທີ່​ດິນ​ກຳ​ສິກຳ​ແບບມີ​ສ່ວນ​ຮ່ວມຢູ່ທີ່ຫ້ອງ​ປະຊຸມ​ຂອງ​ພະ​ແນ​ກສະຫວັດ​ດີກາ​ນສັງຄົມແຂວງ ຫຼວງນ້ຳທາ ຈັດຂື້ນໂດຍ ກົມ​ຄຸ້ມ​ຄອງ​ພັດທະນາ​ທີ່​ດິນ​ກະສິກຳ(ກະຊວງກະສິກຳ ແລະ ປ່າໄມ້)  ​ຮ່ວມກັບ ກົມ​ຈັດ​ສັນ ​ແລະ ພັດທະນາ​ທີ່​ດິນ(ກະຊວງຊັບພະຍາກອນ ແລະ ທຳມະຊາດ) ສະໜັບສະໜູນ​ດ້ານ​ງົບປະມານ ​ແລະ ວິຊາ​ການ​ໂດຍ: ​ແຜນ​ງານຮ່ວມ​ມື​ລາວ​ເຢຍລະ​ມັນ(GIZ)​ ​ແຜນ​ງານ

​ຄຸ້ມ​ຄອງ​ທີ່​ດິນ ​ແລະ ການວາງ​ແຜນ​ແບບ​ມີ​ສ່ວນ​ຮ່ວມ(LMDP) ​ໃນ​ພິທີ​ເປີດ​ການ​ຝຶກ​ອົບຮົມ ​ໃຫ້​ກຽດ​ເປັນ​ປະທານ​ຮ່ວມ​​ໂດຍ ທ່ານ ບຸນ​ຫິງ​ ບຸດ​ສະ​ວົງ ຮອງຫົວໜ້າ​ພະ​ແນກຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ ​ແລະ ທ່ານ ​ເຈີ ສັນຕິ​ສຸກ ຮອງ​ຫົວໜ້າ​ພະ​ ແນ​ກກະສິກຳ ​ແລະ ປ່າ​ໄມ້; ພ້ອມດ້ວຍທີ​ມງານ​ຄູ​ຝຶກຝຶກອົບຮົມທີ່ມາຈາກສູນກາງມີ 12 ທ່ານຄື: ຈາກໂຄງການ GIZ 3 ທ່ານ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ 4 ທ່ານ, ກະຊວງກະສິກໍາແລະ ປ່າໄມ້ 5 ທ່ານ ແລະ ພ້ອມກັນນັ້ນຍັງມີ
ທິມງານນັກສຳມະນາກອນຈຳນວນ 15 ທ່ານ ທີ່ເປັນ ພະນັກງານຈາກສອງເມືອງເປົ້າໝາຍຄືເມືອງ ສິງ ແລະ ເມືອງ ລອງ 12 ທ່ານ (ຜູ້ທີ່ຮັບຜິດຊອບວຽກງານຈັດສັນທີ່ດິນ ຂອງຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງລະ 3 ທ່ານ, ຜູ້ທີ່ຮັບຜິດຊອບວຽກງານຈັດສັນທີ່ດິນກະສິກຳ ຫ້ອງການກະສິກໍາ ແລະ ປ່າໄມ້ ເມືອງລະ 3 ທ່ານ), ຜູ້ປະສານງານໂຄງການ
ຂັ້ນແຂວງ ຈາກພະແນກຊັບພະຍາກອນທຳມະຊາດ ແລະ ສິ່ງແວດລ້ອມ 3 ທ່ານ, ພະແນກກະສິກຳແລະປ່າໄມ້ 1 ທ່ານ ລວມທັງໝົດ 27 ທ່ານການ​ຝືກອົບຮົມ ກ່ຽວ​ກັບ​ວຽກ​ງານ​ຈັດ​ສັນທີ່​ດິນ ​ແລະ ການ​ຄຸ້ມ​ຄ​ອງທີ່​ດິນ​ກຳ​ສິກຳ​ແບບມີ​ສ່ວນ​ຮ່ວມແມ່ນ
ໄດ້ດຳເນີນເປັນເວລາ 20 ວັນ ໂດຍແບ່ງສອງພາກຄື: ພາກທິດສະດີ ແລະ ພາກປະຕິບັດຕົວຈິງ

  • ພາກທິດສະດີແມ່ນເລີ່ມແຕ່ ວັນ​ທີ່ 14-19/06/2016 ຢູ່ທີ່ເມືອງນໍ້າທາ ໃນການຝຶກອົບຮົມພາກທິດສະດີ ແມ່ນເພື່ອ​ພັດທະນາຮູບ​ແບບ, ວິທີ​ການ ​​ແລະ ການນຳໃຊ້ເຄື່ອງມືອຸປະກອນ​ ​ເຂົ້າ​ໃນວຽກງານຈັດ​ສັນ​ທີ່​ດິນ ​ແລະ ການ​ຄຸ້ມ​ຄອງ​ທີ່​ດິນ​ແບບ​ມີ​ສ່ວນ​ຮ່ວມ ​​ເພື່ອໃຫ້​ກາຍ​ເປັນ​ປື້​ມຄູ່​ມື ທີ່​ສາມາດ​ນຳ​ໃຊ້​ໄດ້​ໃນ​ຂອບ​ເຂດ​ທົ່ວ​ປະ​ເທດ. ຍົກ​ລະດັບ​ຄວາມ​ຮູ້, ຄວາມ​ສາມາດ ທາງ​ດ້ານ​ວິທີ​ການ ​ແລະ ​ເຕັກ​ນິກວິຊາ​ການ ຂອງ​ວຽກ​ງານການຈັດ​ສັນ ​ແລະ ວາງ​ແຜນການ​ຄຸ້ມ​ຄອງ​ທີ່​ດິນ​ກະສິກຳ ​ໃຫ້ພະນັກງານ​​ເມືອງ, ພະນັກງານ​ແຂວງ ແລະ ເພື່ອ​ຮັບປະກັນ​ວ່າວ​ຽກງານ​ການຈັດ​ສັນ​ທີ່​ດິນ ​ແລະ ການວາງ​ແຜນ​ຄຸ້ມ​ຄອງ​ທີ່​ດິນ​ກະສິກຳ​ແບບ​ມີ​ສ່ວນ​ຮ່ວມ​ ທີ​ສະ​ນັບ​ສະ​ໜູນ​​ໂດຍ​ແຜນ​ງານຄຸ້ມ​ຄອງ ​ແລະ ການວາງ​ແຜນການ​ແບບ​ມີ​ສ່ວນ​ຮ່ວມGIZ-LMDP ​ໄດ້​ຖືກ​ຈັດ​ຕັ້ງປະຕິບັດ.
  • ພາກປະຕິບັດຕົວຈິງການຈັດ​ສັນ​ທີ່​ດິນ ​ແລະ ວາງ​ແຜນການ​ຄຸ້ມ​ຄອງ​ທີ່​ດິນ​ແບບ​ມີ​ສ່ວນ​ຮ່ວມ​ໃນ​ຂັ້ນ​ບ້ານນັບແຕ່ທີ່ 21/6 -04/07/2016 ​ແມ່ນ​ໄດ້​ຈັດ​ຕັ້ງ​ປະຕິບັດ​ຢູ່​ບ້ານ​ສຸກສາລາ, ​ເມືອງ​ລອງ ແລະ ວັນທີ່ 7/7 – 20/7/2016 ​ແມ່ນ​ໄດ້​ຈັດ​ຕັ້ງ​ປະຕິບັດ​ຢູ່​ບ້ານ​ປຸ່ງ​ກອກ, ກຸ່ມ​ບ້ານ​ອຸດົມ​ສິນ, ​ເມືອງ​ສິງ ໃນພາກປະຕິບັດຕົວຈິງ ແມ່ນ ເພື່ອ​ອະທິບາຍ, ປູກ​ຈິດ​ສຳ​ນຶກ ​ໃຫ້​ຄວາມ​ຮູ້ ​ແລະ ຄວາມ​ເຂົ້າ​ໃຈ ກ່ຽວ​ກັບ​ແນວທາງ​ນະ​ໂຍບາຍຂອງ​ພັກ ​ແລະ ລັດຖະບານ​ ຕໍ່​ກັບ​ວຽກ​ງານການຈັດ​ສັນ​ທີ່​ດິນ ​ແລະ ການວາງ​ແຜນການ​ຄຸ້ມ​ຄອງ​ທີ່​ດິນ​ກະສິກຳ​ແບບ​ມີ​ສ່ວນ​ຮ່ວມ. ອະທິບາຍ​ດ້ານ​ສິດ, ໜ້າ​ທີ, ພາລະ​ບົດບາດ ​ແລະ ຄວາມ​ຮັບຜິດຊອບ​ຂອງ​ແຕ່​ລະ​ພາກສ່ວນ​ທີ່​ກ່ຽວຂ້ອງ​ ​ໂດຍ​ສະ​ເພາະ ນາຍບ້ານ ອົງການ​ຈັດ​ຕັ້ງ​ບ້ານ ​ແລະ ຊາວບ້ານ ໃຫ້​ເຂົ້າ​ມາ​ມີ​ສ່ວນ​ຮ່ວມ​ໃນ​ການ​ຜັນ​ຂະຫຍາຍ ​ແລະ ຈັດ​ຕັ້ງ​ປະຕິບັດ​ວຽກ​ງານ​ດັ່ງກ່າວ​ນີ້ ແລະ ເພື່ອ​ກຳນົດ​ໄດ້​ແຜນ​ຈັດ​ສັນ ​ແລະ ພັດທະນາ​ທີ່​ດິນ ​ໄປ​ຄ່ຽງຄູ່​ກັບ​ການ​ສ້າງ​ແຜນການ​ຄຸ້ມ​ຄອງ​ທີ່​ດິນ​ກະສິກຳ​ຂອງ​ບ້ານ.

ຜ່ານການຝຶກອົບຮົມຄັ້ງນີ້​​ ທາງ​ທິມງານ​ຄູ​ຝືກກໍ່​ໄດ້​ມີ​ຄວາມ​ຈິງ​ໃຈ ຖ່າ​ຍທອດ​ບົດຮຽນ​ໃຫ້​ນັກ​ສຳ​ມະ​ນາ   ກ​ອນຢ່າງ​ເຕັມທີ່ ​ ບົດຮຽນ​ ແຕ່​ລະ​ຫົວ​ຂໍ້ໄດ້​ມີ​ການສົນທະນາ​ຍົກ​ຕົວຢ່າງ ​ແລະ ທົດ​ລອງ​ຕົວ​ຈິງ  ​ເຮັດ​ໃຫ້ນັກ​ສຳມະ​ນາກ​ອນເຂົ້າໃຈ ​ ແລະ ​ຮັບ​ຮູ້​​  ບົດຮຽນ ​ແລະ ວິ​ທິການ ການ​ເກັບ​ກຳ​ຂໍ້​ມູນ​ຕ່າງໆ, ການ​ກຳນົດ​ເຂດ​ຄຸ້ມ​ຄອງ​ລະຫວ່າງ​ບ້ານ, ​ການ​ນຳ​ໃຊ້ ​ໂປ​​ແກມ GIS ​ໃນ​ການ​ແຕ້ມແຜ່ນ​ທີ່ ​ແລະ ​ການ​ນຳ​ໃຊ້ GPS ເຄື່ອງມື​ສຳ​ຫຼວດຈຸດ​ທີ່​ຕັ້ງສະຖານ​ທີ່ ຂອບ​ເຂດ​ຕ່າງໆ, ການວາງ​ແຜນ​ຄຸ້ມ​ຄອງ​ ພັດທະນາທີ່​ດິນ​ກະສິກຳ , ດ້ານ​ການ​ເງິນ ​ແລະ ວິທີສ້າງສັນ​ຍາດ້ານ​ການ​ເງິນ ,ການ​ກຳນົດ​ປະ​ເພດ​ການ​ນຳ​ໃຊ້​ທີ່​ດິນ​ເພື່ອ​ຈັດ​ສັນ​ຕາມ 8 ປະ​ເພດ​ການ​ນຳ​ໃຊ້​ທີ່​ດິນ ອິງ​ຕາມ​ເງື່ອນ​ໄຂ ສະ​ພາບ​ພື້ນ​ທີ່​ຂອງ​ບ້ານ, ການ​ນຳ​ໃຊ້​ເຄື່ອງມື​ວິ​ໄຈ​ດິນ, ຄິດ​ໄລ່​ອັດຕາ​ຝຸ່ນ​ ແລະ ການວາງ​ແຜນ​ຄຸ້ມ​ຄອງ​ທີ່​ດິນ​ກະສິກຳ, ການ​ກຳນົດ​ປະ​ເພດ​ການ​ນຳ​ໃຊ້​ທີ່​ດິນ​ເພື່ອ​ຈັດ​ສັນ​ຕາມ 8 ປະ​ເພດ​ການ​ນຳ​ໃຊ້​ທີ່​ດິນ ອິງ​ຕາມ​ເງື່ອນ​ໄຂ ສະ​ພາບ​ພື້ນ​ທີ່​ຂອງ​ບ້ານແລະ ການ​ນຳ​ໃຊ້​ເຄື່ອງມື​ວິ​ໄຈ​ດິນ, ຄິດ​ໄລ່​ອັດຕາ​ຝຸ່ນ​ ສຳ​ເລັດ​ສັນຍາດ້ານ​ການ​ເງິນ​ເພື່ອ​ປະ​ຕິ​ບັດ​ກິດຈະກຳ  3 ບ້ານ​ເມືອງ​ລອງ

Leave a Reply

Your email address will not be published. Required fields are marked *